ЕСЕП ТУРАЛЫ

2020 жылы сыртқы ортада маңызды өзгерістер орын алды (коронавирус пандемиясы, мұнай бағасының құлдырауы, валюта бағамының құбылуы), осының нәтижесінде Қоғамның Жалғыз акционері Қоғамның шығындарын оңтайландырып, 2020–2024 жылдарға бекітілген бизнес-жоспарды қайта қарау туралы тапсырма берді. Қоғамның түзетілген бизнес-жоспары 2020 жылғы сәуір айында әзірленіп, бекітілді. Бірақ, коронавирус індетінің таралуымен байланысты карантин шараларының ұзартылуын және қалыптасқан тұрақсыз жағдайды ескере отырып, түзетілген жоспарға жекелеген өзгерістер енгізілді. Атап айтқанда, «Нұрлы жер» бағдарламасының жалдамалы тұрғын үй бағыты аясында жылжымайтын мүлікті өткізу бойынша кейбір ауытқулар орын алды, бұл ретте Борыш/Капитал көрсеткішін қоспағанда, Қоғам барлық ҚНК-не қол жеткізді. Жаңа құрылыс жобасын жүзеге асыру үшін жоспардан тыс қарыз алынғанын атап өту керек, бұл жоба Қоғамның құрылысты басқару қорын іске қосты және болашақта басқарылатын жылжымайтын мүлік пулын арттырады. Қоғамның 2020 жылғы жылдық есебі он екінші есеп болып табылады және корпоративтік есептілікті жыл сайын жариялап отыру тәжірибесін жалғастырады.

Барлық есептер Қоғамның www.skcn.kz ресми сайтында қол жетімді. Бұл есеп Қоғамның 2020 жылғы қаржылық және қаржылық емес есептілігінің қосындысы болып табылады және Компанияның тұрақты дамып отырған корпоративтік басқару жүйелерінің өзара байланысын көрсетеді. Есептің концепциясын әзірлеу сатысында мүдделі тараптармен жүргізілген сұхбат нәтижелерінің, тұрақты даму саласындағы алдыңғы есепке қатысты алынған Директорлар кеңесі ұсынымдарының мониторингі жүргізілді. Бұл есептің мақсаты – оқырмандарды Қоғамның қызметіне әсер ететін барлық маңызды оқиғалар туралы ақпараттандырып отыру. Қоғам мүдделі тараптарға өз стратегиясын қалай құратынын, өз активтерін қалай басқаратынын, қажетті қаржы көрсеткіштеріне қалай қол жеткізетінін, ұзақ мерзімді келешекте тұрақты қызметінің тұрақтылығын қалай қамтамасыз ететінін, акционерлері мен өз қызметіне мүдделі барлық тараптар үшін түрлендіруге тырысатын құнды құруға қатысты қалай жұмыс істейтінін түсіндіруді көздейді. Дәстүрлі түрде Қоғам қызметкерлерін, Жалғыз акционер мен Директорлар кеңесін, өзі орналасқан өңір тұрғындарын, мемлекеттік органдарды, қаржы институттарын, Компанияның кли -енттері мен әріптестерін қоса алғанда, Қоғамның мүдделі тараптарының кең тобы жылдық есептің мақсатты аудиториясы болып табылады. Компанияда кері байланыс жасаудың әртүрлі арналары жұмыс істейді. Жылдық есепке қатысты ескертулер мен тілектер «Байланысқа арналған ақпарат» бөлімінде көрсетілген телефон мен электронды пошта арқылы қабылданады. Келіп түскен барлық хабарламалар келесі Есеппен жұмыс істеу барысында қарастырылып, ескеріледі. Барлық қызығушылық тудырған сұрақтар бойынша біздің қызметкерлеріміз консультциялар береді. Кейбір жағдайда Жылдық есепте ақпаратты қайталамау масатында басқа да жария қолжетімді құжаттарға сілтемелер жасалады. Деректерді дайындап, ұсыну барысында Компания GRI Standards, сондай-ақ қаржылық және өндірістік көрсеткіштерге қатысты қаржы есептілігінің халықаралық стандарттарын қолдануға бағдарланады. Жылдық есептің 1-қосымшасында Қоғамның мәмілелері туралы ақпарат, 2-қосымшасында GRI Standards құрамының индексі, 3-қосымшасында тәуелсіз аудитордың аудиторлық есебімен бірге 31.12.2020 жылы аяқталған жылға шоғырландырылған қаржы есептілігі келтірілген.

Жылдық есептің құрамына енгізілген Қоғамның тұрақты дамуы саласындағы 2020 жылғы есеп GRI стандарттарына сәйкес әзірленген: негізгі нұсқа. Есеп Қоғам Басқармасында, кейін Директорлар кеңесінің отырысында талқыланып, Жылдық есептің құрамында бекітіледі. Қоғам қызметкерлері мен сыртқы мүдделі тарап өкілдерінің арасында маңызды тақырыптарды көтеру үшін сауалнама жүргізілді. Атқарылған жұмыс нәтижесінде маңызды тақырыптардың матрицасы құрылды. Ең жоғары ұпай жинаған тақырыптар маңызды болып танылды. Маңызды тақырыптар Есепте толығымен ашылған, олардың ашу сілтемесі GRI мазмұнының индексінде келтірілген.

Жылдық есептің құрамына енгізілген Қоғамның тұрақты дамуы саласындағы 2020 жылғы есеп GRI стандарттарына сәйкес әзірленген.

31.12.2020 жылғы жағдай бойынша Қоғамның жарғылық капиталы 19 990 162 мың теңгені құрайды.

– Қоғамның 100 % акциялары «Самұрық-Қазына» ұлттық әл-ауқат қоры» АҚ-на (Жалғыз акционер) тиесілі. Жарияланған және орналастырылған акциялардың жалпы саны – 16 247 541 дана, оның ішінде:
– бір акцияның номиналды құны 1 000 теңгеден 15 000 000 дана;

– бір акцияның номиналды құны 4 000 теңгеден 1 247 540 дана;
– бір акцияның номиналды құны 2 490 теңгеден 1 дана.
– Барлық акциялар жай акция болып табылады.

Қоғамның бағалы қағаздарын ұстаушылардың тізілімін «Бағалы қағаздардың орталық депозитарийі» АҚ жүргізеді

ПАЙЫМДАУ

Біз қажетті ресурсы, сенімді әріптестер тобы, сонымен қатар жобаларды, құрылыс пен жылжымайтын мүлікті тиімді басқаруға арналған құзіреті мен тәжірибесі бар ұйымға айналамыз.

МІНДЕТ

Біз сапалы әрі қолжетімді тұрғын үй ұсыну арқылы Қазақстан Республикасы халқының өмір сапасын жақсартамыз, сондай-ақ «Самұрық-Қазына» АҚ компаниялар тобының құрылыс және жобаларды басқару тиімділігін арттырамыз.

2018 жылы бекітілген 2018–2028 жылдарға арналған Қоғамды дамыту стратегиясына сәйкес Қоғам Мемлекеттік бағдарламалар операторы функциясын «Самұрық-Қазына» АҚ компаниялар тобына арналған құрылыс пен жылжымайтын мүлікті басқару саласындағы қызметтерді көрсетуге ауыстырды. Даму стратегиясына сәйкес Қоғамның негізгі стратегиялық бағыттары:

Мемлекеттік бағдарламаларға қатысуды аяқтау:

– Мемлекеттік бағдарламалар бойынша жүзеге асырылатын жобалардың құрылысын аяқтау;

– Тікелей сату, қаржылық немесе операциялық жалдау арқылы жобаларды жүзеге асыру

– Кестеге сәйкес негізгі борыш пен сыйақыны өтеуге қатысты Жалғыз акционердің алдындағы қаржылық міндеттемелерді уақытылы орындау

Жылжымайтын мүлікті басқару:

– Маркетинг;

– Жыллжымайтын мүлік объектілерін жалға өткізу немесе сату;

– Қаржылық менеджмент;

– Қаржы ағындары мен тәуекелдерін басқару.

Құрылысты басқару:

– Жобалар пулын құру'

– Жобалау тапсырмасы мен техникалық сипаттізімді әзірлеу, объектілерді жобалау мен салуға әлеуетті компанияларды таңдау;

– Баға құрудың, құрылыс барысын бақылаудың, қолданылатын материалдар сапасының, орындалатын жұмыс мерзімдерінің, сонымен қатар объектілердің пайдалануға дер кезінде енгізілу мониторингі арқылы құрылысты Консультант ретінде басқару.

Жобалау мен салу сатысында компанияның үлестерін сенімді басқару:

– Құрылыс жобаларын басқарудың біркелкі және тиімді жүйесін енгізу;

– Баға құрудың, құрылыс барысын бақылаудың, қолданылатын материалдар сапасының, орындалатын жұмыс мерзімдерінің, сонымен қатар объектілердің пайдалануға дер кезінде енгізілу мониторингі арқылы құрылысты басқару.

«СҚ Девелопмент» ЖШС 2013 жылғы 20 наурызда «Энергия үнемдеу және энергия тиімділігін арттыру туралы» ҚР Заңы мен ЭСКПО-2017 халықаралық көрмесін өткізуге дайындық шеңберінде коммерциялық құрамдас бөлігі жоғары «жасыл» және экотехнологияларды қолдана отырып, жылжымайтын мүлік объектілерінің құрылысы жөніндегі жобаларды жүзеге асыру мақсатында құрылған.

Негізгі қызмет бағыттары: «Жасыл» технологияларды қолдана отырып, тұрғын үй құрылысының девелопменті; Қазақстан Республикасындағы және шетелдегі инфрақұрылымдық жобалардың құрылысына инвестиция; индустриялық аймақтар мен бизнес парктердің девелопменті; институционалдық және жеке инвесторларды тарту; мердігерлік ұйымдардың жұмыстарды орындау сапасы мен мерзімдерін бақылау; құрылыс жүргізілетін ауданда инженерлік желілерді, ғимараттар мен құрылыстарды, көгалдандырылатын аумақтарды салуды ұйымдастырумен байланысты іс-шараларды жүргізу. Қазақстан Республикасының Президенті Н.Ә. Назарбаевтың тапсырмасын орындау аясында «СҚ Девелопмент» ЖШС «BI Corporation» ЖШС-мен бірге «жасыл» технологияларды қолдана отырып, «Жасыл орам» жобасын жүзеге асырды. 2018 жылы «Жасыл орам» жобасының құрылысы аяқталды. Жоба 10 тұрғын үйден, 3 коммерциялық блоктан және подиумнан тұрады, жер асты паркингі орналасқан. «Жасыл орам» жобасының сәулеттік концепциясын британиялық AHR компаниясы әзірледі. Концепцияда инновациялық жасыл технологияларды қолдану қарастырылған – «Жасыл орам» объектісінің ғимараттары LEED стандарттарына сәйкестігіне қатысты сертификатталған. Аумақта үй маңындағы аумақтың ландшафт дизайні, әдемі көлшік, жүгіруге арналған және велосипедке арналған жолдары бар саябақ, фитнес-клуб, сауықтыру орталығы салынған.

«СҚ Девелопмент» ЖШС инжинирингтік қызметі. 02.04.2019 жылы 2 жыл мерзімге сәулет, қала құрылысы, құрылыс саласындағы жобаларды басқару құқығына № 000025 Аккредитация туралы куәлік алынды, ал 11.04.2019 жылы 2 жыл мерзімге бірінші жауапкершілік деңгейіндегі техникалық және технологиялық күрделі объектілерді техникалық қадағалау жөніндегі инжинирингтік қызметтерді жүзеге асыру құқығына № 01009 Аккредитация туралы куәлік алынды.

Жүзеге асырылатын жоба: Атырау облысындағы «Ұлттық индустриялық мұнай-химия технопаркі» арнай экономикалық аймағы инфрақұрылымы объектілерінің құрылысы. ГТЭС-ң инженерлік қамтамасыз ету объектілері. Инженерлік желі дәлізі. 1-кезек, сыртқы сумен жабдықтау, 1-кезек, Су даярлау және ағынды суларды тазарту қондырғысы, 1-кезек». Тапсырыс беруші: «Karabatan Utility Solutions» ЖШС. Бірінші кезектің аяқталуы: 2021 ж. ақпан.

«Samruk-Kazyna Construction» АҚ «Самұрық-Қазына Девелопмент» ЖШС-не қатысу үлесінің 49%-на иелік етеді.

Мемлекеттік бағдарламаларға қатысуды аяқтау және жылжымайтын мүлікті басқару мақсаты шеңберінде. Дағдарысқа қарсы бағдарлама аясында 99 % пул немесе 576 мың шаршы метр өткізілді. Тікелей сату әдісімен Есіл ТК-де ауданы 43 шаршы метрді құрайтын 2 паркинг және Ақжайық ТК-де ауданы 28,3 шаршы метрді құрайтын 2 паркинг өткізілді; Нұр-Сұлтан қаласында кейіннен сатып алу арқылы жалға 6 107 шаршы метр өткізілді, оның ішінде: «Есіл» ТК-де ауданы 434,1 шаршы метрді құрайтын 22 паркинг, «Ақжайық» ТК-де ауданы 5 355,2 шаршы метрді құрайтын 309 паркинг, «Бөгенбай батыр» ТК-де ауданы 318 шаршы метрді құрайтын 2 коммерциялық үй-жай өткізілді, ал «Ақжайық» ТК-де 53 паркинг бойынша операциялық жалдау шарттары аяқталды. Қорға ҚР Ұлттық қорының қаражаты есебінен ұсынылған кредит қаражаты Дағдарысқа қарсы бағдарламаларды қаржыландыру көздері болып табылады. Осы бағдарлама бойынша 98,4 млрд теңге кредит қаражаты алынып, толығымен өтелді, сонымен қатар 7,3 млрд теңге алынды.

Нұрлы жер» бағдарламасы бойынша жалдамалы тұрғын үй бағытында Қоғам 22 тұрғын үй құрылыс шартын жасасты, Қоғамның міндеттемелері 96,2 млрд теңге соманы құрады, жасалған шарттар шеңберінде тұрғын үй құрылысына 96,1 млрд теңге инвестицияланды. Жасалған шарттар бойынша Қоғам 642,5 мың шаршы метр жылжымайтын мүлікті сатып алды, 22 объектінің ішінде 20 объекті, 1 объектінің тұрғын үй тобы пайдалануға енгізілді, 1 объекті құрылыс сатысында жүзеге асырылды, ол бойынша енгізу мониторингі жүзеге асырылған жоқ, жалдамалы тұрғын үй шеңберінде енгізілген жылжымайтын мүліктің жалпы пулы 596,6 мың шаршы метрді құрайды. Осы бағдарлама аясында халыққа 562,2 мың шаршы метр өткізілді, оның ішінде 555,1 мың шаршы метр тұрғын үй ауданы, 4,0 мың шаршы метр коммерциялық жылжымайтын мүлік және 3,1 мың шаршы метр паркинг өткізілді. Қор ұсынған кредит желісінің қаражаты кейіннен сатып алынатын жалдамалы тұрғын үй бағыты бойынша қорландыру көзі болып табылады. Осы бағдарлама бойынша 95,8 млрд теңге кредит қаражаты алынып, оның ішінде кесте бойынша және мерзімінен бұрын 39,2 млрд теңге өтелді. Қарыз қалдығы 56,7 млрд теңгені құрады.

«Нұрлы жер» тұрғын үй құрылыс бағдарламасын жүзеге асыру шеңберінде коммерциялық тұрғын үй бағыты бойынша Қоғам жалпы сомасы 95,8 млрд теңгеге 11 объекті бойынша қаржыландыру шарттарын жасасты, оның ішінде Қоғамның үлесі – 75,9 млрд теңге. Қоғам нақты коммерцияық бағыт аясында 73,9 млрд теңге көлемінде қаржыландырды. Осы бағыт шеңберіндегі жылжымайтын мүлік пулы 323,52 мың шаршы метрді құрады. 10 объектіде және бір объектінің тұрғын үй топтарында 285,8 мың шаршы метр пайдалануға енгізілді. Жалғыз акционер ҚР Ұлттық қорының қаражаты есебінен бөлген кредит желісі бұл бағдарламаның қаржыландыру көзі болып табылады және оның аясында Қоғам 73,6 млрд теңге алды.

«Vostochka.kz» ТК жобасын аяқтау және «Berkut Development» ЖШС-нен 2020 жылы бұрын салынған қаражатты қайтару мақсатында Алматы қ. Vostochka.kz жобасы бойынша құрылысқа инвестициялау шарты жасалды. 2020 жылғы 4 маусымдағы, 2020 жылғы 31 шілдедегі, 2020 жылғы 14 қыркүйектегі, 15 қазандағы және 30 қарашадағы пайдалануға енгізу актілеріне сәйкес Алматы қ. «Vostochka» ТК-де ауданы 52 510 шаршы метрді құрайтын 16 үй енгізілді./p>

«Жасыл орам» жобасы Қазақстан Республикасы Президентінің қатысуымен өткен Мәжіліс хаттамасының 4-тармағының 1-тармақшасын орындау үшін жүзеге асырылады. Бұл жобаға дағдарысқа қарсы іс-шаралар шеңберінде бөлінген қаражатты қайталап пайдалану есебінен ЭКСПО-2017 халықаралық мамандандырылған көрмесі аясында бастама жасалды. Жобаны «СҚ Девелопмент» ЖШС еншілес компаниясы жүзеге асырды, жалпы инвестициялар құны 44 млрд теңгені құрады, оның ішінде Қоғамның жарғылық капиталы 15 млрд теңге және ол «СҚ Девелопмент» ЖШС капиталдандыру үшін жұмсалды, ал 29 млрд теңге дағдарысқа қарсы қаражатты қайталап пайдалану есебінен кредит желісі түрінде тартылды. Жоба «АТФ Банк» АҚ-на мақсатты депозитті орналастыру механизмі бойынша жүзеге асырылады, оның есебінен жоба құрылысын жүзеге асыратын жобалау компаниясына және осы жобадағы жылжымайтын мүлікті сатып алушыларға кредит беріледі. 2018 жылы жобадағы барлық объектілердің құрылысы аяқталды.

Бас мердігерлер осы объектілер бойынша құрылыс-құрастыру жұмыстарын аяқтады. Нұр-Сұлтан қаласындағы Қазақ драма театры және Жеңіл атлетика спорт кешені пайдалануға енгізілді.

Жылжымайтын мүлікті басқару мақсаты аясында Қоғам келесі активтерді басқару функциясын жүзеге асырады:

1. «Жасыл орам» бизнес-орталығы бойынша Қоғам бизнес-орталықтағы үй-жайды тегін пайдалану түріндегі сыйақыға сенімді басқару қызметтерін көрсетті. Үй-жайлардың жалдауынан түсетін табыс және ғимараттарды күтіп ұстау шығындары мен сенімді басқару шартының талаптарына сәйкес келетін басқа да шығындар есебі жеке бухгалтерлік баланста жүргізілді;

2. «Қазына Тауэр» бизнес-орталығы үшінші тұлғаларға операциялық жалға берілді;

3. Сондай-ақ, Қоғамға меншік құқығы бойынша тиесілі басқа да жылжымайтын мүлік объектілері операциялық жалға берілді.

4. ғыз акционер 2015 жылы Қоғамға кейіннен сатып алу арқылы жылжымайтын мүлікті өткізу үшін сенімді басқаруға табыстаған объектілер бойынша төлемдерді жинау мен бақылау жүзеге асырылды.

Қоғамның есептік кезең ішінде коронавирус пандемиясымен және төтеше жағдаймен байланысты кейіннен сатып алу арқылы жалдау шарттары бойынша төлем мерзімдерін шегеру және есептік жылдың соңына дейін операциялық жалдау шарттарын уақытша тоқтату туралы шешім қабылдағанын атап өту керек.

Құрылысты басқару мақсатында Қоғам белгіленген бюджет, мерзім мен тиісті сапа шегінде құрылыс жобаларын жүзеге асыру үшін жинақталған тәжірибесі мен ресурстарын пайдалана отырып, құрылыс жобаларын басқару жөніндегі кеңесші және/немесе құрылысқа, техникалық қадағалауға тапсырыс беруші ретінде әрекет етеді. Құрылысты басқаруды жүзеге асыратын жобалар «Самұрық-Қазына» АҚ-ң Басқарма Төрағасының және Үкіметтің тікелей тапсырмасымен беріледі.

«Самұрық-Қазына» ұлттық әл-ауқат қоры» акционерлік қоғамының кейбір мәселелері туралы» Үкіметтің қаулысына сәйкес Түркістан қаласының облыс орталығына айналуымен байланысты «Самұрық-Қазына» АҚ-на Түркістан қаласындағы бірқатар объектілердің құрылысын қаржыландыруды жүргізу тапсырылды. «Самұрық-Қазына» АҚ-на қаржыландыруы тапсырылған объектілердің қатарында мыналар бар:

1. 7000 орындық стадион,

2. Оқушылар сарайы,

3. Музей Қожа Ахмет Яссауи мұражайы,

4. Цифрлық кеңсе,

5. Конгресс-орталық.

Осы жобаларды қаржыландыру «Самұрық-Қазына» АҚ «Объектілерді құрылысы жөніндегі компания» корпоративтік қоры арқылы және Қоғам құрылысты басқару мен техникалық қадағалау жөніндегі қызметті көрсетіп жатқанда тапсырыс беруші ретінде әрекет еткен «Самұрық-Қазына» АҚ тобындағы өзге компаниялар арқылы жүзеге асырылды. Жоғарыда көрсетілгендердің ішінде барлық объектілер пайдалануға енгізілген. Барлық объектілер бойынша объектіні Түркістан облысының коммуналдық меншігіне сыйға тарту шарттары жасалып, Түркістан қаласы Әкімдігінің атына меншік құқығы тіркелді.

Қоғам Қазақстан Республикасы Үкіметінің қаулыларына сәйкес салынған Нұр-Сұлтан қаласындағы Жеңіл атлетика спорт кешені және Қазақ драма театры сияқты нысандар бойынша құрылысты басқару жөніндегі ұқсас шарттарды жасасты. Бас мердігерлер осы объектілер бойынша құрылыс-құрастыру жұмыстарын аяқтады. Нұр-Сұлтан қаласындағы Қазақ драма театры және Жеңіл атлетика спорт кешені пайдалануға енгізілді. Cпорт кешені IAAFВ Халықаралық жеңіл атлетика федерациясы қауымдастығы тарапынан сертификаттаудан өтті.

Осы стратегиялық мақсаттың аясында 2019 жылы «СҚ Девелопмент» ЖШС өз қызметін жүзеге асыра бастады және оның жарғысына қызмет түрлерін кеңейтуге қатысты сәйкес толықтырулар енгізілді: монополияға қарсы органдардың 2025 жылға дейін инженерлік зерттеулер саласындағы қызметті жүзеге асыруға және осы салада техникалық консультациялар беруге рұқсаттар алынды. «СҚ Девелопмент» ЖШС қазіргі уақытқа дейін «Самұрық-Қазына» АҚ тобының келесі жобалары бойынша техникалық қадағалау қызметтерін көрсетіп келеді:

ТЭС инженерлік қамтамасыз ету объектілері: Инженерлік желілер дәлізі. Сыртқы сумен жабдықтау, су дайындау және су ағындарын тазарту қондырғысы.

Жобалау мен салу сатысында компанияның үлестерін басқару мақсатында Қоғам объектілер/жобалар пайдалануға енгізілгенше жобалау және құрылыс-монтаждау жұмыстарын жүргізу сатысындағы жобалау компанияларының үлестерін/акцияларын басқарады.

2018 жылдың желтоқсан айында «Самұрық-Қазына» АҚ шешіміне сәйкес «Самұрық-Қазына» АҚ-ң еншілес компаниясы – «Бірлескен химия компаниясы» ЖШС өзінің келесі компанияларының жарғылық капиталындағы үлестерін Қоғамның сенімді басқаруына табыстады – «Хим-плюс» ЖШС мен «Karabatan Utility Solutions» ЖШС.

«Тараз химия паркі» АЭА аумағындағы «ХИМ-плюс» ЖШС-ң жобалары. Сенімді басқару мерзімі объектілерді пайдалануға табыстайтын сәтке дейін, бірақ 31.03.2021 жылдан кеш емес

«Karabatan Utility Solutions» ЖШС жобалары – «ҰИМТ» АЭА инфрақұрылымы объектілерінің құрылысы. Сенімді басқару мерзімі объектілерді пайдалануға табыстайтын сәтке дейін, бірақ 2021 жылғы 30 маусымнан кеш емес.

020 жылғы «Самұрық-Қазына» АҚ 2020–2024 жылғы Бизнес-жоспарда белгілеген өндірістік, сондай-ақ стратегиялық ҚНК мәндері келтірілген:

2020 жылдың қорытындысы бойынша Қоғамның шоғырландырылған таза табысы өткен жылдың деңгейінде қалып, 6 798 510 мың теңгені құрады.

Қоғамның есептік кезең ішіндегі шоғырландырылған жалпы табысы 23,1 млрд теңгені құрады, бұл 2019 жылғы көрсеткіштермен салыстырғанда 15 %-ға төмен. Негізгі өзгеру факторлары:

есептік кезең ішінде өткізуден түсетін табыс 2019 жылы жер телімі мен «Berkut Development» ЖШС-ң аяқталмаған құрылысын өткізумен байланысты 2019 жылмен салыстырғанда 2,5 млрд теңгеге төмен болды;

есептік кезең ішіндегі өзге операциялық шығындар 2,7 млрд теңгеге төмен болды, өйткені 2019 жылы тиісті шарттар бойынша міндеттемелерін бұзғаны үшін коммерциялық тұрғын үй шеңберінде оларды салушылар ұсынған өсімақылар мен айыппұлдар, сонымен қатар тиісті шарттың бұзылуымен байланысты «Baur Development» ЖШС ұсынған айыппұл түріндегі табыстар және облигацияларды орналастыру мерзімінің анағұрлым ұзағырақ болуымен байланысты облигациялар бойынша шығындарды өтеуден түскен табыстар есепке алынды.

Сонымен қатар депозиттерге орналастырылған ақша қаражаты көлемінің өзгеруімен байланысты, сондай-ақ 2019 жылғы сәйкес кезеңмен салыстырғанда қаражаттың анағұрлым жоғары мөлшерлеме бойынша орналастырылуымен байланысты есептік кезең ішіндегі қаржылық табыстар 2019 жылмен салыстырғанда 0,7 млрд теңгеге жоғары болды.

Қоғамның есептік кезең ішіндегі шоғырландырылған жалпы шығындары 14,2 млрд теңгені құрады, бұл 2019 жылғы осындай кезеңмен салыстырғанда 26 %-ға төмен. Жалпы шығындардың өзгеруі төмендегілермен байланысты:

тікелей сату әдісімен «Нұрлы жер» бағдарламасы бойынша өткізу көлемінің ерекшеленуімен байланысты есептік кезең ішінде сатылған үй-жайлардың өзіндік құны 2019 жылғы осындай кезеңмен салыстырғанда 4,5 млрд теңгеге төмен болды, сондай-ақ коммуналдық қызметтердің шығындарды қайта есептеуімен байланысты жылжымайтын мүлікті өткізгенге дейін жылжымайтын мүлікті күтіп ұстау шығындары есептік кезең ішінде төмен болды;

есептік кезең ішіндегі жалпы әкімшілік шығындар 0,4 млрд теңгеге төмен, бұл қызметкерлер санының өзгеруімен байланысты. Сондай-ақ 2019 жылғы осындай кезеңмен салыстырғанда ЖӘШ-ң өзгеруіне Қоғамның 2019 жылғы осындай кезең ішінде көтерген мемлекеттік баж салығының шығындары және басшылықтың сыйақысына шыққан шығындар әсер етті;

есептік кезең ішіндегі қаржылық шығындар міндеттемелер көлемінің өзгеруімен байланысты 2019 жылғы осындай кезеңмен салыстырғанда 0,5 млрд теңгеге төмен болды.

Қоғамда тәуекелдерді басқару тұрақты әрі үздіксіз процесс болып табылады және әлеуетті түрде тәуекелді оқиғаларды дер кезінде сәйкестендіруді және Қоғам қызметіне теріс әсер етуі мүмкін тәуекелдерді барынша азайту жөніндегі іс-шаралардың қолданылуын қамтамасыз етуді және алға қойған мақсаттарға қол жеткізуді көздейді. Бұндай оқиғаларды алдын алу мүмкін болмаған жағдайда, Қоғам теріс зардаптарды барынша азайтуға қажетті барлық іс-шараларды жүзеге асырады. Қоғамда тәуекелдерді басқарудың жалпылай қабылданған концептуалды үлгілеріне және Тредвей комиссиясының Демеушілік ұйымдар комитеті әзірлеген ұсынымдарға негізделген тәуекелдерді басқарудың корпоративтік жүйесі әрекет етеді (COSO ERM «Ұйымның тәуекелдерін басқару: қызмет стратегиясымен және тиімділігімен интеграция»).

Қоғамда ТБКЖ негізгі қағидалары Директорлар кеңесінің шешімімен бекітілген Тәуекелдерді басқару және ішкі бақылау саясатында белгіленген, ол Қоғамның ресми сайтында орналастырылған және ашық қолжетімді болып табылады. Қоғамда тәуекелдерді басқару жүйесінің құрылымы Қоғамның келесі органдары мен бөлімшелерін қатыстыра отырып, бірнеше деңгейдегі тәуекелдерді басқарудан тұрады: Директорлар кеңесі, Басқарма, Тәуекелдерді басқару комитеті, Ішкі аудит қызметі, комплаенс-бақылаушы, тәуекедерді басқаруға жауапты құрылымдық бөлімше. Қоғамда ішкі бақылау жүйесі жұмыс істейді, ол менеджментке тәуекелдерді жедел анықтап, олардың алдын алуға бағытталған шешімдерді қабылдауға және компанияың стратегиялық мақсаттарына жету жолында ақылға қонымды сенімділікті қамтамасыз етуге мүмкіндік беретін құрал болып табылады.

Қоғамда тұрақты негізде Тәуекелдерді басқару комитетінің отырыстары ұйымдастырылып отырады, есептер тыңдалып, маңызды тәуекелдерді басқару жөніндегі іс-шаралар талқыланады, ТБКЖ жетілдіру жөніндегі өткізілген іс-шаралар туралы есептер ұсынылады. Жүзеге асырылған тәуекелдер туралы ақпарат Басқармаға және Қоғамның Директорлар кеңесіне дер кезінде жеткізіледі

Қоғамның ТБКЖ тұтас бір процеске біріктірілген өзара байланысты элементтер жиынтығы болып табылады, оның шеңберінде Директорлар кеңесі, менеджмент және қызметкерлер Компанияның қызметіне ықпал етуі мүмкін әлеуетті оқиғаларды анықтауға, сонымен қатар қолайлы тәуекел деңгейі аясында осы оқиғаларды басқаруға қатысады. Қоғам жыл сайын ТБКЖ тиімділігін арттыру жөніндегі іс-шаралар кешенін әзірлеп, жүзеге асырады. 2020 жылы ТБКЖ жетілдіру шеңберінде тиісті іс-шаралар жүргізілді, оның ішінде:

В рамках совершенствования КСУР в 2020  году проведены мероприятия, в том числе:

– Қоғамның тәуекел-тәбетін анықтау және оның мониторингі саясаты, тәуекелдерді басқару іс-шараларының тиімділігін талдау жөніндегі нұсқаулық бекіт

– Тәуекелдерді басқару және ішкі бақылау жүйесі шеңберінде өзге құжаттар жаңартылды;

– Тәуекелдерді басқару мәселелері бойынша Қоғам басшылығына арналған стратегиялық сессия өткізілді;

– Тәуекел мәдениетін арттыру үшін жаңа қабылданған қызметкерлерге тәуекелдер бойынша кіріспе тренингтер өткізіледі;

– Қызметкерлердің тәуекелдерді басқару жүйесінің қағидаларына қатысты білімін бағалау үшін тұрақты негізде тестілеу жүргізіліп, сауалнама алынады.

Тәуекелдерді басқару жүйесін және ішкі бақылау жүйесін жетілдіру жұмысы 2021 жылы жалғасады

Қоғамның 2020 жылғы тәуекелдер тіркелімі мен картасы Қоғамның Директорлар кеңесінің шешімімен бекітілген. 2020 жылы Қоғам регистр мен маңызды тәуекелдер картасына 25 тәуекелді енгізді, олардың ішінде мыналар сыни тәуекелдер болып табылады:

– Жылжымайтын мүлік объектілерінің пайдалануға дер кезінде енгізілмеуі;

– KAONTECH International» ЖШС мен «Шарқұрылыс» ЖШС медиативті келісімдері бойынша міндеттемелерді орындамау тәуекелі;

– Covid-19 індетін жұқтыру тәуекелі.

2020 жыл ішінде осы тәуекелдер жүзеге асырылды, сондай-ақ Қоғам Covid-19 індетін жұқтыру тәуекелі және активтердің құнсыздану тәуекелі сияқты маңызды тәуекелдерді сәйкестендіруді назарға ала отырып, тәуекелдер тізімін жаңартты.

Қоғам тәуекелдердің жүзеге асырылуын және олардың жүзеге асырылу зардаптарын барынша азайту шараларын қолданды, оның ішінде:

– Объектілерді өткізудің тұрақты мониторингі, объектілерге шығу, жылжымайтын мүлік объектілерін пайдалануға енгізу мен жекеменшікке қабылдау мерзімдері жаңартылған шарттарға объектілерді салушылармен қосымша келісімдер жасау;

– Кейіннен жылжымайтын мүлік объектілерін сатып алушыларға табыстау үшін анықталған ақаулардың жойылуын бақылау және оның мониторингі;

– Тұрғын үй және тұрғын үйлік емес жылжымайтын мүлікті өткізудің ағымдағы бағаларын талдауды жүзеге асыру. Жылжымайтын мүлік нарығы конъюктурасының өзгеруімен байланысты өткізу әдісі мен өткізу бағасының өзгеруі;

– роблемалық дебиторлық берешекті қайтару жұмысы жүргізілді, кездесулер мен келіссөздер ұйымдастырылды, медиативтік келісімдер шеңберіндегі міндеттемелердің орындалу мәселелері бойынша контрагенттерден келіп түскен ұсыныстар қарастырылды, берешекті белгіленген тәртіппен өндіріп алу үшін жеке және мемлекеттік сот орындаушыларына атқару парақтары жолданды;

– Қоғам қызметкерлерінің бір бөлігі тұрақты негізде қашықтан жұмыс істеуге көшірілді, қызметкерлер офистегі жұмысқа шыққан кезде COVID-19 вирусының РНҚ анықтау тестінен өтеді, офистерді өңдеу жүзеге асырылады.

Өзге тәуекелдерді барынша азайту жөніндегі жоспарда көзделген іс-шаралар тұрақты негізде жүзеге асырылады. Қоғамның 2021 жылғы тәуекелдер тіркелімі мен картасы Қоғамның Директорлар кеңесінің 09.11.2020 жылғы № 154 шешімімен бекітілген.