Сіздердің назарларыңызға «Samruk-Kazyna
Construction» АҚ-ң 2020 жылғы қызметі туралы жылдық
есепті қуана ұсынамыз
2020 жылы Компания өзін Жалғыз акционердің маңызды міндеттерін жүзеге асыратын сенімді ұйым ретінде
таныта отырып, жаңа Даму стратегиясын жүзеге
асыруды жалғастырды. Компанияның сенімділігі мен
тұрақтылығы Fitch Ratings Ltd. Халықаралық рейтинг агенттіктерінің «ВВ» деңгейіндегі рейтингтерімен
«Тұрақты» деген болжаммен расталды, ал Аналитикалық кредиттік рейтинг агенттігі «Тұрақты» деген
болжаммен «BB+» деңгейіндегі кредит рейтингін берді.
2020 жылды қорытындылай келе, Компания қызметінің
негізгі көрсеткіштері бойынша оң динамиканы атап
өтуге болады. Осылайша, 2020 жылы Алматы қаласында «VOSTOCHKA.KZ» тұрғын үй кешеніндегі 16 үйдің
және Өскемен қаласындағы 3 тұрғын үйдің құрылысы аяқталды. Сондай-ақ, 2020 жылы компанияның
«Самұрық-Қазына» АҚ алдындағы Дағдарысқа қарсы
бағдарлама бойынша қарызды толық өтеуімен, «Нұрлы
жер» бағдарламасының жалға беру бағыты бойынша
және «Жасыл орам» жобасы аясында, сонымен қатар
компанияның «Нұрлы жер» бағдарламасының коммерциялық тұрғын үй бағыты бойынша борышты мерзімінен
бұрын өтеу үшін Компания шығарған облигациялар
бойынша қарыздарды ішінара өтеуімен байланысты
алдыңғы жылмен салыстырғанда компания міндеттемелерін 16 %-ға төмендетті. Бұл ретте Мемлекет
басшысының тапсырмаларын орындау аясында компания
Қазақстан Республикасында төтенше жағдайлардың
енгізілуімен байланысты есептік жылдың соңына дейін
жалға беру төлемдерінің мерзімін кейінге шегеру туралы шешім қабылдады.
2020 жылы Жалғыз акционердің тапсырмасы бойынша
жүзеге асырылатын және Қоғам жобаларды техникалық қадағалау және басқару жөніндегі инжинирингтік
қызметтерді жеткізуші ретінде қатысатын жобаларға
басты назар аударылды. Осылайша, 2020 жылы
Түркістан қаласында 7000 орындық Стадион, Оқушылар сарайы, Конгресс холл, Х.А. Яссауи атындағы
мұражай, Цифрлық кеңсе, сонымен қатар Нұр-Сұлтан қаласындағы Қазақ драма театры мен Жеңіл атлетика
спорт
кешені пайдалануға енгізілді.
Жайлы тұрғын үйдің қолжетімділігін әрі қарай арттыру
және 2020 жылдың 2-жартысынан бастап тұрғын үй
инфрақұрылымын дамыту мақсатында Қоғам Ақтөбе
және Нұр-Сұлтан қалаларындағы тұрғын үй кешендерінің құрылысын қаржыландыру жөніндегі корпоративтік
шешімдерді қабылдады.
Компания 2028 жылға дейін белгіленген стратегияны
жүзеге асыру шеңберінде негізгі қызмет бағыттары бойынша алдына қойған барлық міндеттерін табысты
атқарып келеді. Компанияның өзекті үрдістерді және экономиканы дамыту келешегін ескеретіндігіне
сенімдімін.
Е. Жанәділ