ҚОҒАМДЫ ТҰРАҚТЫ ДАМЫТУ

Қоғамның экономикалық, әлеуметтік және экологиялық салаларда тұрақты дамуына Қоғамның қосар үлесін арттыру; мүдделі тараптармен өзара әрекеттесуді дамыту және олардың тарапынан Қоғамға деген сенімді арттыру; Қоғам қызметкерлерінің әлеуетін жүзеге асырып, еңбек тиімділігін арттыруға қалыпты жағдай жасау; корпоративтік басқару жүйесін дамыту; бизнес-процестердің жүргізілу мөлдірлігін арттыру Қоғамда Тұрақты даму саясатын жүзеге асыру мақсаттары болып табылады. БҰҰ Жаһандық шартының қағидаларын мойындай отырып,

«Самұрық-Қазына» АҚ Корпоративтік басқару кодексіне, Тұрақты даму саласындағы саясатқа сәйкес Қоғамда тұрақты даму саласындағы басқару жүйесі құрылған, ол мыналарды қамтиды:

– Директорлар кеңесі, атқарушылық орган мен қызметкерлер деңгейінде тұрақты даму қағидаларына бейілділік;

– үш құрамдас бөлік бойынша (экономика, экология, әлеуметтік сұрақтар) ішкі және сыртқы жағдайды талдау;

– әлеуметтік, экономикалық және экологиялық салалардағы тұрақты даму саласындағы тәуекелдерді анықтау;

– мүдделі тараптартың картасын құру;

– тұрақты даму саласындағы мақсаттар мен ҚНК анықтау, іс-шаралар жоспарын әзірлеу, жауапты тұлғаларды анықтау;

– тәуекелдерді басқаруды, жоспарлауды, адам ресурстарын басқаруды, инвестицияларды, есептілікті, операциялық қызметті және басқаларды қоса алғанда, тұрақты дамытуды негізгі процестерге, сонымен қатар даму стратегиясы мен шешім қабылдау процестеріне интеграциялау;

– тұрақты даму саласындағы лауазымды тұлғалар мен қызметкерлердің біліктілігін арттыру;

2020 жылы тұрақты дамудың 8 бастамасы анықталды: Корпоративтік басқаруды жетілдіру; Экономикалық тиімділікті қамтамасыз ету; Тұрақты даму жүйесін енгізу; Кадрлық әлеуетті дамыту; Жоғары этикалық стандарттарды сақтау; Тұрақты даму саласындағы қыз меткерлердің біліктілігін арттыру; Еңбекті қорғау және қауіпсіздік техникасының сақталуын қамтамасыз ету; Мөлдірлік деңгейін арттыру.

Сондай-ақ осы саладағы 9 НҚК анықталды, 2020 жылы басқарушы қызметкерлердің қызметін бағалау үшін Директорлар кеңесінің төменде аталған ҚНК бекіткенін атап өту керек: Корпоративтік басқаруды жетілдіру жоспарында көрсетілген іс-шаралардың жүзеге асырылу деңгейі; Таза табыс; Қолданылған капиталдың табыстылығы (ROACE); Таза активтер құны (NAV); Борыш/ капитал; EBITDA; Әрбір тұрғын үй кешені бойынша қызмет сапасына қанағаттану деңгейі; Қызметкерлердің қатысу индексі; Имиджді арттыруға арналған ақпараттық белсенділік.

Директорлар кеңесі мен Басқарма тұрақты даму мен оны енгізу саласында тиісті жүйенің құрылуын қамтамасыз етеді. Барлық қызметкерлер мен лауазымды тұлғалар барлық деңгейде тұрақты дамуға өз үлесін қосады. Қоғам Басқармасы жанында консультациялық-кеңесші орган – Тұрақты дамыту комитеті құрылған, оның басты міндеті тұрақты даму саласындағы саясаттар мен рәсімдерді әзірлеу, сонымен қатар тұрақты даму жүйесін жүзеге асыру жөніндегі ұсыныстарды Басқарманың қарауына шығару болып табылады. Комитет Төрағасы болып тұрақты дамуға жетекшілік жүргізетін басқарушы директор табылады. Тұрақты даму саласындағы есепте біз қоршаған ортаға, қоғам мен экономикаға өз әсеріміз (оң, сондай-ақ теріс) туралы ақпаратты ашуға тырысамыз. Осы бағытта қолданылған іс-шаралар ұзақ мерзімді тұрақтылыққа қол жеткізу, Компанияның экономикалық тиімділігі мен әлеуметтік тұрақтылығын қамтамасыз ету тұрғысынан анағұрлым оңтайлы әсерімен сипатталады. Тұрақты даму саясатын жүзеге асыра отырып, Қоғам корпоративтік басқаруды жетіліру жоспары шеңберінде тұрақты даму саласындағы іс-шаралардың жүзеге асырылуын қарастырады. Тұрақты даму саласындағы іс-шараларды жүзеге асыру мәселелері тоқсан сайын Директорлар кеңесінің отырыстарында талқыланып отырды. 2021 жылы жоспарланған іс-шараларды жүзеге асыру жалғасады

Тұрақты даму саласындағы есептің мазмұнын анықтау үшін жыл сайын тұрақты даму саласындағы мүдделі тараптармен сауалнамасы өткізіледі. 2020 жылғы қазан айында GRI Standards сәйкес сауалнама жолымен акционер өкілінің, Директорлар кеңесі мүшелерінің, Басқарма мүшелерінің, қызметкерлердің, еншілес ұйымдардың, инвесторлардың, тапсырыс берушілердің, бас мердігерлердің өкілдері, сенімді басқарудағы кәсіпорындардың, сатып алушылардың, орталық мемлекеттік орган мен жергіліті атқарушы орган өкілдерінің, БАҚ, жеткізушілердің, әлеуметтік желі пайдаланушыларының, қаржы институттарының танытуындағы стейкхолдерлердің пікірі сұратылды. Сауалнама қорытындысы бойынша Қоғам мен стейкхолдерлерге арналған акпектілердің маңыздылық қатынасын көрсететін анықталған аспектілердің маңыздылық Матрицасы әзірленді. Матрицаның горизонтальді осі бойынша аспектілер Қоғам үшін маңыздылығы жағынан, ал вертикальді осі бойынша мүдделі тараптардың бағалауы бойынша сараланады. Маңызды аспектілерді саралау стейкхолдерлердің басты мақсаттарын анық түсіну негізінде олармен қарым-қатынасты конструктивті түрде құруға мүмкіндік береді. Анықталған аспектілердің нәтижелеріне орай ақпарат мынадай тақырыптар бойынша ашылады:

Экономикалық:

• Экономикалық нәтижелілік;

• Сатып алу тәжірибесі;

• Сыбайлас жемқорлыққа қарсы әрекет ету.

Экологиялық:

• Талаптарға сәйкестік.

Әлеуметтік:

• Жұмыс орнындағы/тұтынушының денсаулығы мен қауіпсіздігі;

• Дайындық және білім алу;

• Әйелдер мен еркектерге тең сыйақы;

• Кемсітушілікке жол бермеу;

• Мемлекеттік саясат.

Қоғам мүдделі тараптармен ынтымақтастық пен сый-құрметке негізделген өзара әрекеттесудің тиімді жүйесін құруға тырысады. Қоғам өз қызметі барысында өзара әрекеттесетін стейкхолдерлердің толық тізімін белгілеп, стейкхолдерлердің салымы мен олардың мүдделерін сипаттайды. Мүдделі тараптардың маңыздылығын бағалайтын кезде стейкхолдерлер Қоғам үшін екі фактор бойынша сараланады: Қоғамға мүдделі тараптың әсер ету күші және стейкхолдердің Қоғам қызметіне қызығушылық деңгейі. Қоғамның мүдделі тараптары (стейкхолдерлер) болып Қоғамның тұрғын үй жайларын сатып алушылар мен жалдаушылар, Қоғам қызметкерлері, Жалғыз акционер мен Директорлар кеңесі, еншілес және тәуелді ұйымдар, бас мердігерлер мен құрылысшылар, сенімді басқарудағы кәсіпорындар, тапсырыс берушілер, жергілікті атқарушы органдар мен мемлекеттік органдар, қаржы институттары, бұқаралық ақпарат құралдары және әлеуметтік желілерді пайдаланушылар табылады.

Мүдделі тараптармен өзара әрекеттесу қағидалары мен рәсімдері Мінез-құлық кодексін және Тұрақты даму саясатын құрады. Қоғам корпоративтік коммуникациялар тәртібін басшылыққа алады, онда әртүрлі коммуникациялық арналармен және мақсатты топтармен жұмыс істеу тетігі белгіленген:

2018 жылғы 17 мамырда Қоғамның Директорлар кеңесінің шешімімен Комплаенс-бақылаушы тағайындалды. Оның қызметінің басты мақсаты сыбайлас жемқорыққа қарсы әрекет ету, сонымен қатар сыбайлас жемқорлыққа қарсы әрекет ету жөніндегі іс-шаралардың жүзеге асырылуын бақылауды жүзеге асыру, сондай-ақ сыбайлас жемқорлық тәуекелдерін бағалау мәселелері жөніндегі саясатты белгілеу. Комплаенс-бақылаушы қажет болған жағдайда Қоғамның құрылымды бөлімшелерімен бірлесіп ішкі нормативтік құжаттарды сыбайлас жемқорлық тәуекелдерінің талдауын ескере отырып, сыбайлас жемқорлыққа қарсы әрекет ету мәселелері жөніндегі ҚР заңнамасына сәйкестендіруді қамтамасыз етеді. Жыл сайын Қазақстан Республикасының мемлекеттік қызмет істері және сыбайлас жемқорлыққа қарсы әрекет ету жөніндегі агенттігінің, прокуратураның, құқық қорғау органдарының өкілдерін қатыстыра отырып, Қоғам қызметкерлерінің арасында семинарлар, дөңгелек үстелдер өткізу арқылы сыбайлас жемқорлыққа қарсы әрекет ету мәдениетін қалыптастыру жұмысы жалғасып отырады; Қоғам қызметкерлерінің арасында сыбайлас жемқорлыққа қарсы заңнама мәселелері бойынша түсіндірме жұмыстарын тұрақты негізде жүргізіліп отырады, сонымен қатар жоғары тәуекелді процестерге қатысатын Қоғам қызметкерлерінің арасында тестілеу өткізілді; Қоғам контрагенттерін кешенді тексеру жүргізілді.

2020 жылдың бірінші жартысында Қоғамның сыбайлас жемқорлыққа қарсы стандарты әзірленді, ҚР «Сыбайлас жемқорлыққа қарсы әрекет ету туралы» Заңына сәйкес қызметкерлерді жалдайтын, бағалайтын, алға ілгерілетіп, жұмыстан шығаратын кезде сатып алулар саласындағы сыбайлас жемқорлық тәуекелдерінің және «SamrukKazyna Construction» АҚ өзге бизнес-процестерінің талдауы өткізілді. 2020 жылдың 2-тоқсанында қызметтерді сатып алу туралы шарттар бойынша 10 млн теңгеден жоғары сомадан асатын Қоғам контрагенттерінің кешенді тексеруі жүргізілді. 2020 жылғы шілде мен 2020 жылғы қыркүйек аралығындағы кезең ішінде жүргізілген тексерулер саны www.zakup.sk.kz веб-сайтының негізінде сатып алулар саласындағы 5 шартты құрады. 2020 жылы Қоғамның «жедел желісіне» 18 өтініш келіп түсті, оның ішінде 2020 жылдың 2-жарты-жылдығында 14 өтініш келіп түсті. Фактілер расталған жоқ, келіп түскен өтініштер шеңберінде Қоғамға келтірілген залал жоқ.

2020 жылдың 4-тоқсанында Нұр-Сұлтан қ. бойынша сыбайлас жемқорлыққа қарсы қызмет департаменті басшысының Бірінші орынбасары Ж. Жылқышиеваның қатысуымен семинар өткізілді. Кездесу «Сыбайлас жемқорлыққа қарсы заңнамадағы жаңалықтар және әдептілік идеологиясын қалыптастыру» тақырыбына «Самұрық-Қазына» АҚ еншілес кәсіпорындарының ұжымдарымен өтті: «Samruk-Kazyna Construction» АҚ, «SK Development» ЖШС, «Объектілердің құрылысы жөніндегі компания» корпоративтік қор.

2018–2028 жылдарға бекітілген Даму стратегиясына сәйкес Қоғам жеткілікті ресурсы, сенімді әріптестерінің кең тобы, сондай-ақ жобаларды, құрылыс пен жылжымайтын мүлікті тиімді басқаруға қажетті құзіреті мен тәжірибесі бар ұйымға айналуға тырысады. Осыған байланысты Қоғам мемлекеттің тұрғын үй құрылысы саласында жүзеге асыратын саясатты қолдайды.

Қоғам бизнес әрекет ететін экономика салаларына бұл сектордың араласпауы туралы жариялайтын Yellow Pages Rule қағидаларын ұстанады. Квазимемлекеттік компания ретінде Қоғам өз қызметін Қазақстан Республикасы Үкіметінің 28.12.2015 жылғы № 1095 қаулысымен бекітілген қызмет түрлерінің тізіміне сәйкес жүргізеді.

Қоғамның сатып алу қызметі саласындағы басты мақсаты – сатып алуға оңтайлы жағдай жасай отырып, барлық бөлімшелердің тұрақты жұмысы үшін ресурстардағы қажеттілікті дер кезінде, тиімді әрі толық қамтамасыз ету. Қоғамда ақпараттық ашықтық, мөлдірлік, тең құқылық және адал бәсекелестікті дамыту қағидаларына негізделген тиімді сатып алу жүйесі құрылған. Сатып алу рәсімдері мөлдір, стандартты және қарапайым.

Қоғамның сатып алу қызметінің басты міндеті: «Самұрық-Қазына» АҚ Компаниялар Тобының Мүгедектердің ұйымдары тізілімінде тұрған мүгедектердің ұйымдарынан тауарларды, жұмыстар мен қызметтерді сатып алу; «Самұрық-Қазына» АҚ Компаниялар Тобының Тауар өндірушілер тізілімінде тұрған сатып алынатын тауар өндірушілерден тауар сатып алу; білікті әлеуетті жеткізушілер арасында сатып алуды жүзеге асыру; Қоғамда жеткізушіні таңдау мынадай әдістермен жүзеге асырылады: ашық тендер өткізу (оның ішінде төмендету сауда-саттығын қолдана отырып); баға ұсынымдарын сұрату (төмендету сауда-саттығы); бәсекелес келіссөздер өткізу; бір көзден алу жолымен тендер өткізу. Әкімшілік ғимараттарды пайдалану Қоғам қызметі бағыттарының бірі болып табылады. Жасыл квартал Т4 БО әкімшілік ғимараты Қоғамның сенімді басқаруында. Ғимараттың жалпы ауданы 32 706,8 шаршы м. Мәңгілік ел, 10 мекенжайы бойынша орналасқан Қазына Тауэр БО әкімшілік ғимараты Қоғам меншігінде. Жалпы ауданы: 15 121 ш. м.

Қоғам экологиялық теңгерімді сақтау және қоршаған ортаға күтіммен қарау қажеттілігін түсіне отырып, қоршаған ортаны қорғау қызметін өзінің ағымдағы жұмысының маңызды бөлігі ретінде қарастырады. Құрылыс сапасын бақылау шеңберінде Қоғам құрылыс жүргізушілердің құрылыс алаңдарында түзілетін қоршаған ортаға жанама шығарындылар мониторигін жүргізеді. Құрылыс объектісінен әуе ортасына ауқымды теріс әсер беріледі. Құрылыс алаңдары құрылыс жүргізілген аумақтардың атмосфералық ауасы мен халық денсаулығына теріс әсер ету көздерін түзеді, олар тұрғын үй құрылысына тікелей жақын орналасқандықтан жағдай жиі қиындай түседі. Атмосфераға ластаушы шығарындылар құрылыс алаңының аумағын инженерлік дайындаудан бастап аумақты апаттандыру мен көгалдандыруға дейінгі құрылыс процесінің барлық сатысында түзіледі. Құрылыс алаңдарындағы атмосфераны ластандыру көздері болып құрылыс машиналары мен механизмдер – автокрандар, экскаваторлар, грейдерлер, өзі аударғыш машиналар, бортты автомобильдер, бетон сорғылары мен бетон араластырғыштар, домалатқыштар, асфальт төсегіштер, автогудронаторлар, дизельді генераторлар, дәнекерлеуші аппараттар, кескіш станоктар, тегістегіш машиналар және т. б. табылады.

Қоғамның құрылыс объектілері атмосфераға әртүрлі деңгейде әсер етеді және бірінші кезекте бұл орындалатын құрылыс-құрастыру жұмыстарының көлеміне байланысты болады. Қоршаған ортаға зиянды заттар эмиссиясы Қазақстан Республикасының заңнамасымен реттеледі. ҚР Салық кодексіне сәйкес қоршаған ортаға эмиссия үшін ақы алынады. Қоршаған ортаға эмиссиялардың белгіленген нормативтері шегінде және (немесе) одан жоғары болатын қоршаған ортаға эмиссиялардың нақты көлемі салық салу объектісі болып табылады: ластандырғыш заттардың шығарындылары; ластандырғыш заттардың төгінділер; орналастырылған өндіріс және тұтыну қалдықтары. Қоғам объектінің құрылысы кезінде және өзіне арған міндеттемелер мен нормативтерді орындайтын кезде құрылыс жүргізушілердің ластанулардың кешенді бағалауын міндетті түрде жүргізуін қадағалайды. Жұмыс жобаларын зерттейтін кезде қоршаған ортаға әсерді бағалау жөніндегі ақпарат және экологиялық зардаптар туралы мәлімдемелер талданады. Сондай-ақ, құрылыс салушылардың объектілерді салатын кезде облыстық табиғи ресурстар және табиғат пайдалануды реттеу басқармасынан қоршаған ортаға эмиссияға рұқсат алуын тексеру

Қоғамда келесі корпоративтік құндылықтар қалыптасқан:

Көрсетілген корпоративтік құндылықтар корпоративтік мәдениет нормасына және жүріс-тұрыс моделін дамыту тиімділігінің негізгі факторларына айналуы тиіс. Қоғам басшылығы бағыт-бағдар беріп, қызметкерлер Қоғамның стратегиялық мақсаттарының жүзеге асырылуын қамтамасыз ету мақсатында өзгерістерге дайын болып, акционерлермен бірге табыс пен залалды қатар бөлісе отырып, актив иегерлері ретінде ойналып, әрекет ететіндей жоғары өнімділік, жауапкершілік пен нәтижеліліктің корпоративтік мәдениетін сақтауы тиіс.

Қызметкерлер тұрақты даму мақсатына қол жеткізу жолындағы Қоғамның негізгі активі, оның стратегиялық әріптесі болып табылады. 2020 жылы Қоғамның Директорлар кеңесі Қоғамның 2018–2028 жылғы кадрлық саясатына корпоративтік құндылықтарды бекіту және өнімділігі жоғары корпоративтік мәдениетті жетілдіруге қатысты енгізілетін өзгерістер мен толықтыруларды бекітті. Қоғамның Жалғыз акционері бекіткен Адам ресурстарын басқару жөніндегі корпоративтік стандарт негізінде портфельдік компанияларда референстік үлгіге сәйкес адам ресурстарын басқаруға қатысты негізгі бизнес-процестер жаңартылып жатыр. Жыл сайын қызметкерлердің қатысуы бағаланады. 2020 жылғы қатысу индексі 63 %-ды құрады (2019 ж. – 61 %). Бұл көрсеткіш 2 %-ға жақсарып, оңтайлы аймақта орналасқан

Қоғам алдында тұрған міндеттерді жүзеге асыру үшін Қоғамның сәйкес кәсіби құзіреттілігі бар мамандардағы қажеттіліктерін қамтамасыз ету, жобаларды басқару саласындағы құзіреттілікті дамыту, инжинирингтік қызметтерді жүзеге асыру Қоғамның адам ресурстарын басқаруға қатысты біріншілік бағыттары болып табылады. Қызметкерлерді дамыту және қызметкерлерге кәсіби және мәнсап жолында өсу мүмкіндіктерін беру Қоғамның кадр саясатының маңызды бағыттарының бірі болып табылады. Цифрлық технологиялардың дамуын ескере отырып, қашықтан оқыту курстары, вебинарлар және жұмыс орнында оқыту, қызметкерлердің бағдарламалық өнімдермен жұмыс істеу дағдысын дамыту, сонымен қатар құрылыс саласындағы BIM технологиялар бойынша оқыту сияқты оқыту әдістерін белсенді пайдаланады.

2020 жылы КО деңгейінде 14 қызметкер қабылданды, 35 еңбек шарты бұзылды, оның ішінде: 14 – штатты қысқарту бойынша, 5 адам – тараптардың келісімі бойынша, өз еркімен – 10 және ЕШ мерзімінің аяқталуы бойынша – 6. «СҚ Девелопмент» ЖШС-де 2020 жылы 8 еңбек шарты бұзылды, оның ішінде 2 – штатты қысқарту бойынша, 5 – қызметкер қабылданды. Қатысу үлесінің 51 %-ң өткізілуімен байланысты «СҚ Девелопмент» ЖШС қызметкерлер саны есептік кезеңнің соңында шоғырландырылған жоқ. 01.01.2021 жылғы жағдайы бойынша 12 әйел бала күтіміне байланысты демалыста.

Кәсіби оқыту процесіне қойылатын талаптар Кәсіби оқыту және Қоғам қызметкерлерін дамыту ережелерінде реттелген.

Қызмет тиімділігінің ұдайы шолулары – 100 %, мәнсаптың даму шолулары – 94,7 % қызметкерлер. Басқарушы қызметкерлер (Басқарма мүшелері) бойынша бір жылдағы негізгі қызмет көрсеткіштерін (НҚК) Директорлар кеңесі бекітеді, сондай-ақ жыл аяқталғаннан кейін НҚК-ң орындалуы бағаланады. Директорлар кеңесіне бағынатын қызметкерлердің (4 қызметкер) қызметін бағалауды Директорлар кеңесі жыл басында бекітілетін

НҚК негізінде жүзеге асырады. Әкімшілік қызметкерлер бойынша жыл сайынғы негізде қызметті бағалау тиімділігі мен жеке даму жоспарларының шолуы жүргізіледі.

Мәнсаптың даму шолулары

94,7%

қызметкерлер

Қоғамдағы еңбекақы төлеу жүйесі Қоғам қызметкерлеріне еңбекақы және сыйақы төлеу ережелерімен реттеледі, оның басты мақсаты – көздеген мақсаттарға жету жолында қызметкерлердің тиімділігін бағалау және есептік кезең ішіндегі қызмет нәтижелері үшін қызметкерлерді көтермелеуге мүмкіндік беретін еңбекақы төлемі жүйесін белгілеу арқылы Компанияның стратегиялық мақсаттарына қол жеткізуге қолдау көрсету.

2019 жылы Қоғам қызметкерлері жалақысының бәсекеге қабілеттілік деңгейін бағалау үшін жалақы нарығын талдау және лауазымдарды топтастыру жүргізілді, 2020 жылы басқарушы және әкімшілік қызметкерлерді лауазымдары бойынша топтастыруды ескере отырып, еңбекақы төлемінің жүйесі енгізілген. 2009 жылдан бастап Қоғам қызметкерлеріне әлеуметтік қолдау көрсету ережелері күшке енген, онда қызметкерлерге көрсетілетін әлеуметтік қолдау түрлері мен талаптары белгіленген. Қоғам қызметкерлеріне келесі әлеуметтік қолдау түрлері көрсетіледі: Материалдық көмек; Өтемақылық шығындар; Қызметкерлер мен олардың отбасы мүшелерін медициналық сақтандыру. Қоғамда еркектер мен әйелдердің еңбегі үшін тең сыйақы қарастырылған. Қызметкерлердің қызметін бағалау тәртібіне сәйкес жыл сайын есептік жылдың 31 желтоқсанына дейін әкімшілік және басқарушылық қызметкерлердің кешенді бағалауы жүргізіледі. Осылайша, 2020 жылы қызметінің тиімділігі мен мәнсабының өрлеуіне қатысты шолуды алған әкімшілік қызметкерлер саны 96 % құрады. Басқарушы қызметкерлер Қоғамның негізгі қызмет көрсеткішіне қол жеткізуі бойынша бағаланады.

Қоғамда жүргізілетін барлық маңызды жобалар бойынша Басқарма Төрағасының қызметкерлерге үндеуі құрылады. Осылайша, 2020 жылы Қоғам қызметкерлеріне үндеуде корпоративтік мәдениетті дамыту мен диагностика жобалары, сонымен қатар лауазымдарды топтастыру жүйесін енгізу жобасы туралы сөз қозғалды.

Сонымен қатар, қызметкерлер мен басшылықтың өзара қарым-қатынасы шеңберінде Қоғамда төмендегілер ұдайы өткізіліп отырады

– басқарушы қызметкерлер мен құрылымды бөлімше басшыларының қатысуымен операциялық қызмет мәселелері бойынша апта сайынғы аппараттық мәжілістер;

– Басқарма Төрағасының құрылымды бөлімше қызметкерлерімен функционалдық міндеттерді орындау және есептік кезең ішінде бекітілген Мақсаттар картасына қол жеткізу мәселелері бойынша тоқсан сайынғы кездесулері.

Қоғамда Басқарма Төрағасымен қызметкерлердің сұрақтарын, проблемаларын және ұсыныстарын бейресми жағдайда талқылау үшін «галстуксіз» форматта кездесулер өткізу тәжірибесі енгізілген. Апта сайынғы негізде басшылықтың қызметкерлерді жеке сұрақтар бойынша қабылдау сағаттары белгіленген.

Қоғам қызметкерлердің денсаулығына, еңбек жағдайына және жұмыс орындарында қауіпсіздік техникасын қамтамасыз етуге ерекше назар аударады Қызметкерлер мен олардың отбасы мүшелерінің жеке денсаулық әлеуетін арттыру үшін Қоғам:

– тәулік бойы консультациялық-диспетчерлік қызметті (call-centre) қамтитын медициналық сақтандыру қызметіне (аурулар жағдайына сақтандыру) қол жеткізу мүмкіндігін, жедел көмек қызметін, стационарлық емді, амбулаториялық-емхана қызметін, қызметкерлер үшін медициналық профилактикалық тексеруді, үйде қарайтын отбасылық дәрігер, мейірбике қызметін, стоматология қызметін, тұмауға қарсы вакциналау және т. б. қызметтерді ұсынады;

– еңбек демалысына сауықтыру жәрдемақысын ұсыну түрінде қаржылық қолдау көрсетеді;

– әкімшілік ғимаратта спорттық керек-жарақтармен жасақталған бөлмелерді ұсыну және спорттық мекемелерге баруға жеңілдік алу мүмкіндігін ұсыну жолымен қызметкерлердің салауатты өмір салтын ұстануын нығайтып, ынталандыру бойынша жүргізетін саясатқа қолдау көрсетеді.

Сондай-ақ Қоғам қызметкерлердің жұмыс орнындағы қауіпсіздігін қамтамасыз ету жөніндегі ұйымдасқан жұмысты жүргізеді

- қызметкерлердің қауіпсіздігі мен еңбекті қорғау мәселелері бойынша міндетті нұсқаулықтан өткізіп, білімін тексеру арқылы қызметкерлерді оқыту жүргізіледі, нұсқаулықпен таныстыру бірінші кезекте жаңа қабылданған қызметкерлер үшін қауіпсіздік және еңбекті қорғау тақырыптары бойынша өткізіледі;

– әкімшілік ғимаратта спорттық керек-жарақтармен жасақталған бөлмелерді ұсыну және спорттық мекемелерге баруға жеңілдік алу мүмкіндігін ұсыну жолымен қызметкерлердің салауатты өмір салтын ұстануын нығайтып, ынталандыру бойынша жүргізетін саясатқа қолдау көрсетеді

Қоғам қызметкерлері «Жасыл квартал» блок Т4 БО-ң (бұдан әрі – Ғимарат) 14-15-қабаттарында және «Қазына» Тауэр БО-да орналасқан. Әрбір жұмыс орны функционалды мақсатына және еңбек қауіпсіздігі және еңбекті қорғау талаптарына сәйкес ұйымдастыру техникасымен жабдықталған. Апат кезінде ғимарат жайынан шығатын жолдар мен есіктер таңбалармен белгіленген. Ғимараттың өртке қарсы автоматикасының жұмысқа жарамдылығы және қызметкерлердің жұмыс орнында болған кездегі өрт қауіпсіздігін мамандандырылған қызмет көрсетуші ұйым қызмет көрсету шарты бойынша қамтамасыз етеді. Тексеру жарты жылда 1 рет техникалық регламентке сәйкес жүргізіледі. Апат, өрт кезінде техникалық жұмыскерлердің әрекет дағдыларын қалыптастыру Жаттықтыру жоспарына сәйкес жүргізіледі (карантин шараларының енгізілуімен байланысты оқу жаттығулары қызметкерлерді Ғимараттан көшірмей өткізіледі). Жаңа қабылданған қызметкерлер өрт қауіпсіздігі жөніндегі кіріспе нұсқаулықпен танысады. Жұмыс уақыты ішінде жұмыс орындары орналасқан Ғимарат жайындағы температура, жарықтандыру, сонымен қатар микроклимат санитарлық-эпидемиологиялық талаптарға сәйкес келеді және регламенттелген мерзімді техникалық қызмет көрсету, жоспарлы-алдын алу жөндеулері және Ғимараттың инженерлік жүйелері мен жабдықтарын қарап, тексеру қамтамасыз етіледі. Енгізілген карантин шараларына сәйкес Ғимараттарда: ғимаратқа кіретін қызметкерлердің, келушілердің және жұмыскерлердің температурасын телеметриялық тексеру; зарарсыздандырғыш құралдарды пайдала отырып, үй-жайды күн сайын санитарлық өңдеу жүргізіледі, ортақ пайдалану орындарында және жұмыс орындарында бетперде режімі мен қашықтық сақталады.

«Самұрық-Қазына» АҚ Қайырымдылық саясаты мен Қайырымдылық бағдарламасына сәйкес қайырымдылық және демеушілік қызмет «Самұрық-Қазына» АҚ компаниялар тобының бірыңғай операторы «SamrukKazyna Trust» АҚ әлеуметтік жобаларды дамыту қоры арқылы жүзеге асырылады. 2020 жылғы Қоғам бюджетінде осы бағыттағы қызметке қаражат қарастырылмаған.

2020 жылғы Қоғам бюджетінде осы бағыттағы қызметке қаражат қарастырылмаған. Волонтерлік қозғалысты дамыту шеңберінде «Самұрық-Қазына» компаниялар тобында Қоғам қызметкерлері мынадай әлеуметтік көмек көрсетуге бағытталған волонтерлік қозғалысқа, акциялар мен іс-шараларға белсенді қатысады: экожобаларды; білім беру жобаларын жүзеге асыру; Донор күні; сенбіліктер-қоқысты, қарды тазарту, көшеттер егу; офистің айналасындағы аумақты, Есіл ауданындағы үй маңындағы аумақты абаттандыру. Сонымен қатар соғыс ардагерлеріне, онкологиялық стационарда емделіп жатқан балаларға, көп балалы отбасыларына, мүгедектерге, қайырымдылық акциялары мен шараларына белсенді қатысқан Қоғам қызметкерлеріне әлеуметтік қолдау мен көмек көрсетілді